Arrats beran

Biurko

 Gaurko arrats-bera asi da jetxitzen

 aurrean daukadan mendi tontorretik;

 eguzkia joan-da lurralde ontatik,

 ta beste aldean ari da argitzen.

 Gabaren oiuak ditut atzematen

 begiak zabal ta adimena zutik...

 Au ordu ederra guztiz txunditurik

 ari naiz gauaren musika entzuten.

 Ordu egokia otoi egiteko:

 Belaunikatzen naiz lurrean apalki

 Errosario deuna berela asteko;

 Mendi-barren ontan Agur Mari denak

 zein eztiki doaz eta zein xamurki

 biotz-maitasunez poliki jalkiak.