inprimatu
Gudariak aberriari
Izenburua:
Gudariak aberriari
Sinadura:
Pedro Anasagasti
Urkizaren iruzkina:
Egilea(k):
Anasagasti, Pedro

Argitalpena:
Olerti.
Urtea:
1980
Argitalpenaren urtea:
Alea:
1980
Orrialdea:
33-34

Gudariak aberriari

 

Aita Anasagasti

 

 Eman det nere odola

 Aberria erosteko.

 Eman det nere arnasa

 Euzkadi salbatzeko.

 

 Maite nun nik bizitza

 gauza danen aurretik.

 Nere aberastasun zan,

 ames eta atsegin.

 

 Emen bizi ta eldu naiz,

 emen maite, zabaldu,

 loratu ta lagundu,

 eta anima aberastu.

 

 Bildur bat sartu zaidan

 jaiotzako kabian.

 Eriotzaren gauak

 illundu dit barrena.

 

 Baiņa zu askatzeko

 artu nun eriotza

 emaztetzat betiko.

 Zapaldu nun biotza!

 

 Nere gorpua galdu

 ta usteldu da mendian.

 Nork daki ze abereak

 jan zizkidan begiak?

 

 Ez kurutzerik lurran,

 ez argiaren poza.

 Eman nizun bizitza,

 zuk neri eriotza.

 

 


inprimatu