Eguneroko gabon zahar

Martin Arrizubieta

               I

 Desaritzen nau tartean.

 DENBORA doa

 zaldi ganean.

 Mugatua be itxasoa!

         txaka-txak

         txaka txak.

 Asi berri behe unetik

 gerora...

 Lurretik

 goi gora.

         txaka-txak

         txaka txak.

 Azken uneak

 ohintxe dira eneak.

 Ditzagun azter!

 DENBORA den tximistargi laster...

         txak

         txaka-txak

         txak

 Eta igaroen

 batera

 betiko geldi dadin gaurkoen

 kikunbehera

 oroien artean

 gaurkoen lurpean.

         txak

                 txak

         must!

                         II

 Amabi dindon, lehenaz, mustean itto da

 erdel azken bihotzkada.

                 Drangan drangaka

                 utikan!

                 Drangan drangaka

                 utikan!

 Sor dadin, euskaldun berri

 Euskadi-ko euskalherri!!

                 Dindon-dan, dindon-dan.

                 Ziriri! Bolanderuak!

                 Dindon-dan, dindon-dan.

                 Ziriri! Bolanderuak!

         Euskara,

         plazara!