|
Eguneko lanen
B. Gandiaga
Eguneko lanen
nekearen urren
gauez dut arkitzen
nahi nuen atseden
bazter ixillaren
argi apalaren
misterioaren
babesean, emen.
Otoitzak eginda
eskolak emanda
themak zuzenduta
egunari nion
zorra ordainduta.
Oge ona or da
asarre ez bada, bai
oraingo otzituta.
Baiņa dagoela
obeto artuko nau
berandu joanda.
Ez diot okerrez
bai kasik negarrez
emen bai dut norbait
biotzaren galdez.
Eguneko lanen
nekearen urren
gauez dut arkitzen
Erri maitearen
eskalea itxoiten
bazter illunaren
argi apalaren
misterioaren
babespean emen.
Otoitzak eginda
eskolak emanda
themak zuzenduta.
Ez al dago Erria
naiko kunplituta?
Geiegiraiņo omen
degu ortan zertzen
aunditu-bearrez
lurretik askatzen
duten aunitz urteko
zugaitz aura baizen.
Lurra dit eskatzen,
On-bearrez eten
ez dezagula arren.
Eguneko lanen
nekearen urren
gauez naiz aritzen
Erri maitearen
sustraiak estaltzen.
Bazter ixillaren
argi apalaren
misterioaren
babespean emen.
Emen dut atseden
ogean baiņo lehen.
|
