Illunabarrean
Ilintxolazabal
Illunabarrean, begi eder batzuk
ezagutu ditut; andereņo begiak.
Une artan zerioten dizdiragatik,
izar zatitxoak ziruditen biak!
Ustekabeak, opatu dit ikustea,
ta agurtu nau, irri-parre ittunez.
Nolabait, aspaldi erne zitzaigun
kidetasuna, eziņ igartu aiņ errez!
Eta bere ibilkera dotorearekin,
urrindu zait, elizarako bidean,
nere burua, iges egin zuten egun
aiekin, oldozkor, utzi ondorean!
Beltzaran, begirakune xamurrekoa!
—barne-itzez, deitu diot zijoanari—
gaurko meza bitartean, nere alde,
jaso itzan Zerura, iru Agur Mari!
