Amets eder baten antzera

Muniategi'tar Sabin

 Amets eder baten antzera

 arginabarreko

 goiz urratze,

 egun etorreran...

 Eguzkiak

 biderik bide,

 gozoro dakar

 Udaberri goituaren senera,

 alako... gazte zantzo

 ta, aupada bizigarrien

 izamin ernaritu,

 zerupe garbienetako

 odei arin batzuen,

 maitezko irripar...

 Ta, baso, muño, zelai-artez;

 azkenengo izar nimiñoen

 egun sentiko argi gozo,

 dizdikera agurkorrez...

 bizia nunnai

 ugalduz nabaitzen da,

 ederrez esnatua,

 zerbaiten gurari

 ta, itxaropenez...

         Basa lore

 ta, bitxi apalenak ere,

 eguzkibera,

 beren kukullu pinportuetan

 arako, maite-lurrin,

 arnas gori berri baten

 usai gozoa dariete...

         Bizitzako bizigune

 edergarria da bai,

 maite-egarrizko ametsez betea;

 goitura sutsu, itxaropenkor baten

 garatasunezko emai,

 bidegiro ezti ta, ikusgarria...

 Dana da bai,

 giza oñots urdurituaren

 alkar-bearrezko goraldi etorkor,

 aupada biozgarria;

 Loreil-arnas iantzi berriaren

 eskeintza oparotsu

 ta, bidegarria...

 erle ta txiokadazko

 bizigintza pozkor,

 eskurik-eskurako

 goraldi arnasgarria...