Illunaren muga
J. Josu Argiņarena
Ezin mingarria zitzaidan
ene atsa biltzea
illunaren aurrean
aske utzi nuanean.
Oztoporik etzuen ustean
arkaitza zirudien orma
zuen aurki,
urrun zegoen
illunean.
Aurreratze naia
eziņean,
zituen indarrak
utsean,
jauziak ziraden
orma illunaren aurrean.
Jainko bidean zai zegoen
illuna.
Ba zekian atsak
gizonarendik urruna
zegoela Jainkoa,
baiņa...
uste etzuena zan
artean zuela
illuna.
Otsarik sentitzen ez,
ta...
illunaren izateak
bildurtzen atsa.
Ixilla,
ezerez,
illuna...
Jainkoa urruna.
Jainkoa itza,
illuna ezereza ta...
elkar dute muņa.
Izatez denak
ta...
berez eztenak
joan dute muga.
Muga...
Arria ezta,
muga, ikusi ez
ta sentitzen dan muga...
illuna da.
Nork pasako
illuna?
Iņork ez! Ez iņork!
Illunaren muga uztea
Jainkoa zer dan jakitea
litzake.
Poztu adi, gizona,
poztu ire atsarekin
Bildurgarrien Bildurgarriena
ezpaitiagu ezagutuko!
Jainkoa
ezta illuna!
ta nunnai
illuna dala
diogu.
Gizona,
Jainkoa,
tartean illuna.
Gizona,
illuna,
Jainkoa...
|