inprimatu
Ibillaldia
Izenburua:
Ibillaldia
Sinadura:
Sabin Muniategi
Urkizaren iruzkina:
Egilea(k):
Muniategi, Sabin

Argitalpena:
Olerti.
Urtea:
1968
Argitalpenaren urtea:
Alea:
1968 I-II Bakardade
Orrialdea:
46-48

Ibillaldia{TITULUA}...

 

Muniategi'tar Sabin

 

 Igande,

 goiz eder bateko

 ipar aize bigunez,

 baserri girozko

 mendibide osasuntsuz,

 bideak geuretuz...

 Benetan ibillaldi,

 ikuste atsegiņak ziran bai,

 bidezko zelai,

 latsondo,

 zugatzartez...

 baserririk baserri,

 gure gaztedi alai,

 ta bikote ederrakin

 zantzo ta irrintziz,

 goirik-goi,

 gero,

 egunbera

 ene gazte oroimen ioanak

 arnas berrituz,

 illunabar argiaren

 etorrera garbiz.

 

 Eguraste eder,

 bidaldi osasungarri!

 Egunaren azkenera,

 an itxaspe,

 urruti-urrutian

 eguzkia agurtuz...

 Gaua,

 gure Gau naro,

 Udako Gau ederra,

 odei arin, txuri-gorri artean...

 gautuz-gautuz zetorren

 bere izar-tantozko

 ixiltasun sakonez...

 gautuz zetorren bai,

 bere aopekotasun bare,

 bere zador-ikutu,

 bere izar-mintzozko

 zerudi argi,

 zabalaren aunditasunez...

 gautuz zetorren,

 Illargi beteari eskua eman

 ta, gure biotz begietara,

 (ene biotz begietara)

 alako egun,

 alako ibilbide,

 biotzaldi amesgarri baten poza

 gogora ekarriz...

 

 II

 

 Bai,

 len ere

 gaur bezela,

 eskurik eskurako begiarte

 gau-egunak ziran;

 bere gurari

 ta izan-miņezko

 amets-lilluraz sustartuak,

 ta, askotan,

 egi garratzez

 gaur-gero zulatuak...

 Bide arin,

 bide argi...

 O, bai,

 gaur ere

 urrutikuskin ta irrati,

 ainbeste aurrerapen,

 iolasbide izanarren...

 Gazteak,

 beti gazte,

 ametsak pillotuz,

 ametsak metatuz

 bata-bastearen pozera,

 lenago bezela

 bere kutuntasun,

 eskuz-eskuzko

 ikusterik baikorrenez,

 bai eguzkiz

 ta, izar-illargipe,

 maitari doazte.

 

 Bizia ausnartuz

 eskuz-esku.. .

 itz goxo, legunakin,

 bidea luzatuz,

 bidea betikotu naiean,

 geldiro doazte.

 

 Bai,

 gazte bideak ziran ta bideak dira,

 ogei urteko gogo,

 odol pilpillez...

 bizitzan gora,

 bizitzan aurrera datoztenak

 ametsik ederrenez...

 Dana,

 maite-girozko itxaropen etorritsu,

 eskuarte zoragarriz;

 dana,

 gazteari,

 biotz-begietara datorkion

 bizi-naitadazko,

 zorion-egarriz!

 

 


inprimatu