Zuriak

B. Gandiaga

 Zuriak, zurizko zuritan,

 amaren oillandak, zelaian,

 amaren oillanda zuriak,

 txirita-txiribi garaian.

 Zogiko esmeral barrian,

 madari-ondoa loretan

 ta amaren oillanda zuriak,

 zelaian, madari-lorezko

 edurreta alako alaian,

 txirita-txiribi garaian.

 Ta aidean, aideko abaian,

 «karaka» —kantuen argia

 —ta aidean, madari-ondoko

 usaiña t'oillanden kantuen

 pozkida, zurizko deslaian.

 Zurien aidetan zelaia

 zuritan goratuz, ta amaren

 oillanda zuriak, madari

 —ondoko edurreta alaian,

 txirita-txiribi garaian.

 Eguzki begiko ziietan

 uretik-alako liñuzko

 zapiak alako zuriak,

 amaren oillandak zelaian,

 amaren etxalde arraian,

 txirita-txiribi garaian.

 «Purra neuretxuok». T'egoiak,

 furrustan, altxatu leikezan

 liñuzko zapien antzean,

 alai ta atseginkor ta aidean,

 ilusiño zuri talde bat

 bailiran, egada abarrean,

 oillandak amaren aldean,

 txirita-txiribi garaian.

 Eta ama, pozarren, madari

 loratu azpian, eta ama

 oillanda zurien artean

 eta ama, Launbeor zaarreko

 etxalde argian, illargi,

 madari-lore ta liñuzko

 edurreta alako alaian.

 T'oillandak eta ama zelaian

 eta ama t'oillandak eta ama,

 txirita-txiribi garaian.