Illunsentian
Alfredo Gomez Jaime
euskaratzailea: L. Akesolo
Zoragarrizko zerbaitez pilpil da baso illuna;
lilluratzeko sorginkeririk bada an barruan.
An izana da zazpi tutudun txistuz soņuan
burua dizdiz daukan basajaun bi adarduna.
Illunaurrean arrasgorritu dala eguna,
oianpe atan zear joaten nazan orduan,
dindirri eta orrri-arteko illun nastuan
dantzan asmatzen dot talde gorri zomorroduna.
Argi-jario, an urrun doa gaueko Mari;
sorgin-bitxiak mosuka ditut bekokiari
euren egoen igurtziketa legun biguiņez.
Or zear doaz lamiak irri ta santzo joten;
liliak, barriz, nigana datoz mosu emoten,
eta ur-txirripak neuri so euren begi urdiņez.
