inprimatu
Dirudunen maitale
Izenburua:
Dirudunen maitale
Sinadura:
Paulin Solozabal
Urkizaren iruzkina:
Egilea(k):
Solozabal, Paulin

Argitalpena:
Olerti.
Urtea:
1967
Argitalpenaren urtea:
Alea:
1967 III-IV Geldi ta itsu
Orrialdea:
72-73

Dirudunen maitale

 

Egieder

 

 Dirudunen maitale

 nazela amestu al dot

 gabaz zori txarrez?

 Ala gizonak irain

 ori egin al daust gaur

 samindu bearrez...?

 

 Diru zalekeria

 ezin dot jasan gaurko

 txiro gizartean.

 Zerk sortu eragin daust

 burruka garratz au neuk

 nai ezta barruan?

 

 Zorionez Kistogan

 eztitu ninduen goiz

 guraso maiteak.

 Ondasun aundi ori

 maitez opa izan eusten

 maite ninduenak.

 

 Diruagaz ez eben

 nai izan eztituterik

 beargin ziran-ta.

 Txiroen maitasuna

 ezarri nai izan eusten

 Kistoren antzera.

 

 Aundikeria, zoaz

 azeri anker ori

 enegandik urrin.

 Labankerizko diru

 Otsa, biotzari ez

 zirkiņik eragin!

 

 Betoz Kistoren doai

 ederrak nire izate

 au apaindutera.

 Ulermen, maitasuna

 ta erruki berbera

 nai ditut batera.

 

 Gizartean zar ta ume

 gosez iltamuan guk

 ezin esan beste.

 Ene biotza lertu

 bearrez zagoz lertzen

 miņez euren alde.

 

 Au da lege bakarra,

 beartsua maite izan.

 Ta lur ondasunak

 aren arte zabalduz,

 zuzentasuna egin

 bear dau gizonak.

 

 Gizadiko oiņarriak

 egi, zuzentasuna ta

 maitasuna dira,

 azkatasuna garbiaz

 bakotxari berea,

 ta dator bakea.

 

 


inprimatu