inprimatu
Asko dira bai
Izenburua:
Asko dira bai
Sinadura:
Sabin Muniategi
Urkizaren iruzkina:
Egilea(k):
Muniategi, Sabin

Argitalpena:
Olerti.
Urtea:
1967
Argitalpenaren urtea:
Alea:
1967 III-IV Geldi ta itsu
Orrialdea:
57

Asko dira bai

 

Muniategi'tar Sabin

 

 Itz ezezkor, itz lizun, ustelez...

 Bai, asko dira bai, usin garbiak

 gizabide gardenak zikinduz,

 bizi diranak... asko dira bai,

 azpilan biurrizko bideratzez,

 lozinkeri legunak arilduz

 gorrotoz orbeltzen dituztenak.

 

 Asko dira zitalkeri utsez

 iņoren min, iņoren izerdiz,

 iņoren odol, lepo-bizkarrez

 ari diranak... asko dira bai,

 iauregi altsu, eliz zuloetan

 ardi larruz iantzi oi diranak,

 gizona ioputzeko ekiņetan.

 

 Ai! ez ote obe, esku garbi

 ta, bata-bestezko beartasunez,

 norberaren alegin garbia,

 bidezko elkartze argietara,

 gure on, ederrari eskeņi?

 Ez ote obe esku baikorrez,

 lagun urkoaren biotz pakea

 eta norberena irabazi?

 

 Gizabidezko egintza onez

 begiak urkoarengana itzuliz,

 egiari bere bidea irikiz...

 alako gizargi maitekorrez,

 gizonari gizonkiro lagunduz...

 ai! ez ote obe, eskuz esku,

 bekoki, goi illunak argituz,

 Iaungoikoaren eskuetan bizi?

 

 


inprimatu