Gogo saminduaren oldozpena
Leon XIII'gn Aita Santua
euskaratzailea: Muniategi'tar Sabin
Bai, Leon, iritziz dator zure eguna;
iritziz zure ordu latz ta garratz ori,
bizitza ontatik betikotasunera
atera bearreko azken-ordu ori...
Zein izango ote zure etorkizuna
eta, nolakoa zure elburu, azkena?
Iainkoaren itxaropen, laguntasuna
da, zerua irabazteko bearrezkoena.
Baņo, ai! ze nekegarri aztunak diran
ene giltz, ene bakaldun aginte giltzak!
Oldoztuzazu bai, oldoztu zinkurinka
zer ondoren dakarkizun zure bizitzak.
Oben aztun edo pekaturik aundiena
izango da, munduko bizitza onetan
arrokeriz, aundiki, aberastasunetan
ain berekor igaro dan nagusiarena.
Orain kezkati, oroituz nabillenean,
irudi santu baten abots, dei eztia
gozoro datorkit bai, barnetuz biotzean,
goi-indarra damaidan poztasun bizia:
ĢOroitzean lengo egoera, lengo griņa,
zerk samintzen zaitu beraz ene arima,
minberatuz zure kolko, zure bularra,
zerk naigabetzen zaitu ixuriz negarra?
IOSU'k eskatzen dionari biotz-biotzez,
dana parkatuko dio maitezko errukiz
ta, Berak, zure kistar-siņismen bitartez
artuko zaitu bai Bere besoak irikiz.
