|
Berez dirakit
Egieder
Berez dirakit zerbaitek
barruan, eta itaunka
nago giza-semeak zer
daunkon beregan orrela joka.
Zer nidarrek dagio ler?
Gizon jakituri, goitik
argia dator bultzaka;
betiko printz urreak dauz,
illezkor diran lege mardulak
goi-janariz txit orniduz.
Biotz-maitasunari su
garra, labe antzera,
sendo ta barne ixuririk,
Jainkoa dabilkio, aterge,
bizitz-artezlari, ixillik.
Gizonak ba-ditu berez
iņok ausi ezindako
legeak: indar itsuak
diruditelarik, Jaunak jarri
dautsoz araurik onenak.
|
