Iturriko bidean

Satarka

 Nora ua, Garbiñe,

 nora ua ain lasterka?

 «Iturri-Berri»-n

 ur otz-otza

 besterik ez dun.

 Gau beltza gañera

 etorri baño len...

 itzuli adi

 ire basetxe

 maitera,

 itzuli adi

 len-bait-len.

 Egun oetan

 ez diñat ikusi

 iturri ondoan,

 len ikusten nuen

 mutil bikaña.

 Aretaz galdetu

 niñan auzoan,

 eta ez niñan

 jakin nik

 nai nuen aña.

 Itun ta naigabez

 erantzun zidaten:

 «Mutil ain erne,

 ain azkarren

 berririk ez degu

 aspaldian.»

 Beste emakume

 kaskarin bat ere

 aspaldian ez

 diñat ikusi

 iturri ondoan,

 sulla uraz bete...

 ta irauli...

 lotsagabekeriz,

 karraxi ta algaraz...

 irri ta par

 lasai egiñaz.

 «Iturri-Berri»-ra

 joan nai alden

 ain lasterka?

 Joan nai ba'den

 joan adi...

 —neskatil gaxoa!...—

 bañan itzultzen

 aizenean

 bakar-bakarrik,

 ire etxera...

 Oi! garai artan...

 garai artan...

 izango ditun

 maite-min eta

 negar-marraskak!