Gorakunde

S. Muniategi

 Egun garbi eder batean, oñak bideratuz

 Uzta-erditze ikusgarriz, eguzkibera,

 ain emea dan goitasun, igarotze legunez

 begiak egarbera, Iainko aztarna alaitsuz...

 belardi, landa, baso, mendi, arnas berriz

 Iparra bigun, gozoki dator bai, lurrera,

 ur azaletako uin bereziakin itzegiñez,

 alako... bizi-ausnartze, egada biotzgarriz...

 Eta, goi, bidari taldeak duazten bitartean,

 arnas billa, biderik bide... bai, ondarreta,

 zelai, errekondo, itzalpe atsegiñetara,

 eguzki ta aize billa duazen bitartean,

 ni ere, nereak narama bai, zerbaiten pozez

 tantai urtetsu, larre, soro ta, baserriakin

 unea, uneka gozartuz, bideari galdetuz,

 bideak narama neretua, bere oñots ezez...

 Eta, eskurakor dabil aizea egun garbiz

 dana, bidetasun goigarri baten doñura;

 Izadia zutituz dana, bai, belar, landare...

 gogo-elebidezko amets, edertza betean,

 ikusgai xamur ta, oargarrienak laztanduz

 alako, txori, enara azkarrak bezela,

 ioan-etorrizko irriztada arin-ariñez,

 gañetarako bultzadatan egoak arrotuz.

 T'itxaropenezko egungiro barneminduz,

 (igeskorra izanda ere gure etorria)

 garo-usai oiantsu, bidondo itzalgarriz

 begiak argiz bete ta, biotz-oñak arinduz

 alako, betiratze sakon, geroko munduz

 emai intziritsu bat, betimiñez dabilgu,

 zerbaiten kezkaz, bizitzako bide estuan

 muin-muiñetaraño arima dana zirkinduz.

 Bidetasun atsegin, Iaungoikogarria da,

 biotz-ikara ezti, egimiñez ernaitua...

 eskuz-eskuzko elkarketa, Izadi arloz

 dana, begirada, otoi garbietan goitua,

 dana, bizi-loratze, betiraunezko gogoz

 dana, mingurri-lan, arranotar egobidez

 biziari tenka, aundi-txikiz sustartua,

 ainbeste amets arildu, barnezko eiotzez.

 Eta, ekiñaldi bakoitzaren argitasunez...

 O, ze egonaldi eder, egada urduriak

 norberetza betean eguna eskuratuz!

 O, ze gogo-aizeratze, bioztasun garbiak,

 goi-ikarazko geroratze ixil-ixillean,

 betikoz-betiko, Izadiaren muin-barnez

 Eleizpe aundienean Iaungoikoa aitortuz,

 gorakunde bizigarri baten baitasunez!