Galdu nuen maiteiñoari

Otsalar

 Lenago gerta zitzaidan aiek,

 orain urrunduz diranak,

 alperrik ditut ene oroitzan,

 izanik denbora joanak.

 Noizbait iri ere mundu onetxek

 sortuko zaizkin bai lanak;

 negar ez diñe iñoiz egiten

 ordu baten begi danak.

 Maiteiño bati eskeindu nion

 ene biotz-miñan giltza.

 Beragandikan iaso bai nuen

 neskatx euskaldunan itza.

 Arrezkeroztik ene barnean

 tristurak erruz dabiltza.

 Ene barnea mingosten bai dut

 bere oroimen likitsa.