Kattalin

Jon Mirande

                                                   «Clementine» england doiñuz

               1

 Etxe txiki txukun baten

 zure aite t'amekin

 zinan bizi, zintzo bizi

 ene maite Kattalin.

 Ene maite, ene maite,

         ene maite Kanalin,

         sekulako ta betiko

         galdu zaitut Kanalin.

               2

 Bainan eder zinan zinez

 zine izar bat bezin.

 Ille gorri (baita zorri)

 zuk bazenun Kattalin.

 Ene maite...

               3

 Ibaiera zinan joaiten

 zure ahate beltzekin.

 Goiz batean, bat batean

 ito zinan Kattalin.

 Ene maite...

               4

 Lertu arte zenun edan

 sabel bete ur zikin...

 Nik bai minez, min saminez

 negar egin Kattalin.

 Ene maite...

               5

 Illerrian bada lore,

 euzki lili krabelin.

 Zu zaituzte badut uste

 ongarritzat, Kattalin.

 Ene maite...