Euskeraz

Dorronsoro'tar Lukax

 Euskaldun gerta zitzaidan

 amaren altzoa.

 «Maite aut» «paz» zesaidala ark

 euskeraz mintzoa.

 Euskeraz irakas zidan

 maitatzen Jainkoa.

 Euskeraz —nola bestez?—

 sort maite giroa.

 Euskeraz mintza,

 euskeraz otoi,

 euskeraz, xamur, abesten.

 Euskal edestiz

 gau zakarretan

 amets gaiztoak uxatzen.

 Euskeraz ikas begiak

 ederkiz asetzen.

 Oi, ama! Euskeraz dakit,

 ziñez, zu maitatzen!

 Erdalkumeak

 maitatu beza

 berea duan erdera.

 Bidezko zaio,

 geronarentzat

 guk dugun, maite joera.

 A! Baiña, erderaz mintza

 euskaldun sorturik?

 Olakok ez besait, arren,

 ama maite dunik.