Eskuartean zaitut, «Biotz-Begietan»
Otsalar
Eskuartean zaitut,
«Biotz-Begietan»,
etsi ezińikan.
Bizitza labur batek eratzi nai duan
mitxeletaren gisa,
eskuartean zaitut,
oso maiteki.
Zure orri leunen barna
ezti bearrez
maiz abiatzen naizelarik.
Ekaitzak etendako egunsentia
iduriz,
eskuartean zaitut.
Zure leiotik ikusten dedan soroak,
asi orduko, suntzitu zan arrobia
edo emaitzak galdutako meaztegia
iduri.
Kantu eralleak, arro;
zu ondatzeagaitik.
Maltzur, maltzur ˇbeti maltzur!
beren izakiz.
Orain, zorionez,
eskuartean zaitut,
mińezko kanta otsa ixuriz
urteen zurrumurrutik.
Marmari gozoz ari zera
asaba zaarren baratzean
eguna gau biurtzeko beldur,
oroitzapena iraun nairik.
Eskuartean zaitut,
kantu atal gogoangarrien kabi zeran
«Biotz-Begietan».
