Erreberentzia

Gaztelu

                                                           OTEIZA gure ertilari

                                                   aundiaren Quousque tandem...

                                                 liburu bikaña irakurri ondoren

 Oteiza irudigille

 ta sermolari onari

 esker milla ta bizitza luze gure klonletx-utsunean

 txapela ezkerrean

 eta nere esker-erakutsiaren ogi samur au eskuiean

 ez ao-bero

 patenik gabe

 esku-azpian

 zabal

 gartsu

 eta nere eukaristiaren gorputza billus

 apostolu ez-baña

 sen aundiko

 tipil

 biribil

 aitonen aitonengandiko subizgu-garrez irazeki

 errauts ez-itzaliei ufaka-tipil

 erraldoi

 bekokia dizdiz

 amesgille

 neolitiku-lañopeko Agiña gañean

 berde narean

 bukoliar-ametsezko janbaz, iragarle-zantzoz

 bide-ertzean, bide guzien ertzetan

 Elkanoren itxas-lorratzean, Gagarinen lurbira-birundan

 ez belauniko

 zutik

 zure egia — gurea — oyuztatuz

 baitare gezurra

 urrezko bigantx kiaztatuarekiko jaurespena

 Pazko-goizeko giza eorzgabearen gorpua soiñean

 bezperako gantzugalluz ta likurtaz

 eta illobia seilluz ta utsik

 beti berri beti zillarrezko

 «ez ikutu» dion kartel batekin

 eta zaindurik

 eztio ajola nun

 gizonaren ttrkamendian beti ere

 gurutz bat eta i. n. r. i. oroigallu

 orra or zu

 bakarti

 lekaroan oyu-egille

 neurkiña eskuan eta obo bat

 kronletx-utsa

 soil

 garbi

 izkutuz pilpil

 dena sentikor

 bakarrik IZATASUN...

 OTEIZA irudigille

 ta sermolari on orrek ez

 ez

 autsi gure Lege zarraren aitz-olak.

 Diosala ta... bira!