Danok alkarturik
Zugazaga'tar Lorentzo
Areintzako gaurkoa
egunik onena,
Deun guztien erreguz
lenau Aitagana.
Gu be gaur ta biarkoz
gomutatzen gara,
anaiak doguzala
elduge zerura.
Kristoren gorputzeko
atal aberatsak,
beterik ta gaiņezka
dagerskuez sakelak.
Gaiņezka dauken ori
baliatuteko,
lur ta garbitokia
dira, ziņez, naiko.
Zorro oso aundiak
azpia betegaz,
daukaguz emen askok
Jainko eskarragaz.
Lurtarrok aulaz gara,
atalik aulenak,
gure geroak sarri
larritzen gaitunak.
Zeruan dagozanak
Jauna dabe lagun,
garbitokikoak be
laster dauke zorun.
Baiņa gure otoiak
ba-dabe almena,
Jainkoaren aurrean
eragintasuna.
Zerutarrak danontzat,
guk orbandunentzat,
atalok alkarturik,
BURU, Kristorentzat.
Berak erosi gaitu
nekaldian bidez;
betirako mirabe
gaituz, bada, legez.
Zeru, lur, garbitoki
gorputz bat egiņik,
goazen Kristogana
ta aurrean auzpezturik,
Bera gurtu dagigun
biotz barrenendik
esanaz: ŦGure Errege
ZU, zaitugu, gaurtikŧ.
|