inprimatu
Gure euskal dantzak
Izenburua:
Gure euskal dantzak
Sinadura:
Klaudio Sagarzazu
Urkizaren iruzkina:
Egilea(k):
Sagarzazu, Klaudio

Argitalpena:
Olerti.
Urtea:
1963
Argitalpenaren urtea:
Alea:
1963 I-II Izar
Orrialdea:
68-70

Gure euskal dantzak

 

Satarka

 

 Gure euskal dantz ederrak,

 Egun ta gauean,

 Lasai dantza litezke

 JAUNA-ren aurrean,

 Garbiak diralako

 Lizunik gabeak.

 

 Dantza, neska-mutillak,

 Arin, pizkor dantza...

 Zuek bai-dezutela

 Piperra ta gatza.

 Gogoa alai ta pozik

 Taupaka biotza.

 

 Ekin ortan, mutillak,

 Aurrera neskatxak,

 Eskar-onak zueki,

 Gure euskotar dantzak

 Biziko dira beti,

 Naiz jarri estuntzak.

 

 Antziņeko dantzaki

 Iseka ta farra?...

 Erbestean gureak

 Atera su-garrak.

 Arriturik gelditu

 Dira Amerikarrak.

 

 Beste dantzak dirala

 Ta gureak laga?...

 Gogor, mutillak, zintzo,

 Zangoak gora aisa.

 Irrintzi ta zantzo: irri

 Arra... irri-arra... aufa!

 

 Noiz nai ta non-nai zuek

 Zerate mutillak,

 Goratzen dituzute

 Gure euskal makillak.

 Ekin, ez ditezen il

 Gure dantz-ariņak!!

 

 Gazte zeraten arte

 Aurrera, mutillak...

 Sasoirik onenian

 Egin alegiņak.

 Dantza... ta etengabe

 Jo, joo... kriskitiņak!

 

 Zuek goraldu bear

 Dezute Euskalerri.

 Zuen dantz ederrakin

 Arrituta geldi

 Dedin mundua, ernai,

 Begiraka geuri!

 

 Zuen semeak gero

 Ikusi dezaten

 Zuek zintzo nolatan

 Azitu ziņaten

 Euskalerriagatik

 Lan onak egiten.

 

 Aufa-aufa... au duk sasoia...

 Ekin, ez gelditu...

 Rrau ta rrau... rrakataplau...

 Dantzan izerditu...

 Koipe txarrak gutxitu,

 Ta giņarrak geitu! !

 

 Aula... aula... au duk sasoia...

 Gora, ankak aidean...

 Dantza, dantza, gizonki,

 Iņoren aurrean.

 Zuek aņakorik gaur

 Bai-ote Lurrean?...

 

 Guk, euskaldun geranok,

 Jo ta jo txaloak...

 Gazte bikain oientzat

 Orr... gure diruak,

 Ta baserrietako

 Esne ta taloak!!

 

 


inprimatu