|
Libertade argia
Otsalar
Kartzela ematen du
munduak tajuran:
arrengandik aruntza
ez baita iņor juan.
Ala ere, lortu nai
zoriontasuna,
suntzikor izanarren
gure nortasuna.
Elburu bat landuaz
geran bitartean,
biotzeko beroa
badugu barnean.
Zorionaren billa,
gogoa odolez,
gizarte nekatua
dijoa dolorez.
Libertadea ain da
sari garestia,
maiz eraman izan du
loran gaztedia.
Nekeza da bizitza
etsaien menpean,
diranean usteak
loturik katean.
Txarra indarrez dabil
okerraren billa,
arituz sortu nairik
betiko naspilla.
Prometeo ezta libre
baizik katigurik;
gizonen argigarria
eztago pizturik.
Oian itzal onetan
eztago, ez, surik;
sortu bearra dabil
gerok zauriturik.
Etorkizun onari
ez diot nai etsi:
Libertade argia
badala zinetsi.
|
