Barne-intziri

I.

 Beingozko itxartzean

 —goiztar argidiri—,

 barruan dantzut zoli

 ots baten intziri.

 Eguerdiz, galdatan,

 zentzunak nik ernai

 ta aiots beraren doiñu

 dabilkit lertu-nai.

 Gaua itzaltsu daneko

 ixillez bildua,

 ene gogoa dozu

 ibilliz auldua.

 Zerbait dantzut oindiño,

 kezkaren artega,

 azken-intziri niña

 Jainkori arrenga.

 Ler adi, ene gogo,

 orrelango intziriz

 itxaropen egotan

 goiari atxikiz.