Gorbea'ko gurutzeari

Karmel

 Urrun zakustan Gurutze deuna,

 Orraño oiñez ezin joanik,

 Emen naukazu Zuri oiuka

 Besoak zabal-zabalik.

 Txoria ba'nintz, ortxe nengike,

 Neure abia gaiñe orretan,

 Kantuz lertzeko ordu orotan.

 Maite-miñezko didar zal orri

 Goitik yatorko doai-iturri,

 Niretzat beti oso pozgarri.

 Soiñez ezinda, nire gogua

 Egazka doa Zugana,

 Mendi orretan agertu nairik

 Berak dautzun maitasuna.