Adar billutsetan...

Muniategi'tar Sabin

 Ai! adar billutsetan aize-ikaraz

 orri bakanak daude il-bearrez dardar

 ta, txindorrak ere etxe bidea dakar

 salto-saltoka eta, txioka egabera...

 Negu-aurrean, ozkor, Izadia datza,

 dana erdi-lo, dana minbera, iger.

 Ta, uluz, aienaka Azilla'k dager

 bizitzaren gora-bera, aldakuntza.

 Orratio lugiñak eskupean apal

 lurrari damaio garba ereiñez

 ogia artzeko yasa... Ta, lau egal

 soluarenak atxurka jasoaz, garbi,

 lurrak zanetan darama ernemiñez,

 etorkizunaren emaitz alebizi...