ŤOlerti-Egunať-ren omenez
Tauer'tar Norbert
(Ona emen gure adiskide min goragarriok,
Larrea'n 1961-X-29'n ospatu gendun olerti-jaian,
zelanbait esku artu naita bialdutako agur sutsua).
Euskalerriaren olerkari maiteak
Baita ere euskaldun olerti-zaleak
Ospatzen dutela gaurko egunean,
Bizkai'ko Larrea, erri ederrean,
OLERTI-EGUNA izena dun jaia,
Auxe da neretzat herri txit alaia.
Ongi badakigu olerkari maitiak
Dirala euskeraren esnale aundiak.
Ta euskal-olerkiak dirauten artean,
Ez da ilko euskera Euskal-Aberrian.
Gaur or alkartu zeraten abertzaliak,
Ar itzazue, otoi, nere gorantziak.
Ni ere or zuekin gaur nago gogoan,
Euskera bizi bedi Aberri osoan.
