Gauzen kolkoan
Osa'tar Eusebi
Ba-ditu gizonak zentzuak...
Jainkoak dizkio eman,
suma ditzan lur-biran
Berak jarri zantzuak.
Begiak ditudanean irikitzen
zerak ikusten ditut or-emen.
Zer oiek, ordea, barne txokoan,
aragi-begiak suma eziņezko
ezti joririk bai omen.
Zer ari zera, gizona,
suma-bidez nairik inguru-gauzak konpreni?
Ez al dakizu oindio
gauzak jori direla ikusgarriz gaindi?
Zer ari zera xurgatuz
inguru-gauz otan eriotz-azia?
Ez al zera oartzen
ba-dutela or bertan bizi-iturria?
Tira gizona, iriki azkar
barneagoko begi-niniak.
Siņismen begiz ikusi, arren,
gauz oron sakon miresgarriak.
Giza-Semeak gurutzetikan
Jainkozko laztan eman dielarik,
or daramate Kristo-kutsua;
ta txit dire eder ortaz jantzirik
Onela ditut, Jauna, nik orain
zure zantzuak ikusten.
Oi, al ba'neza orrela iraun
Zure Izkutuak ausnartzen!
