Saint-John Perse, Nobel saria
O.
Ona emen, iñor izan ba'da, olerkari ixilla, gorde-ixilka bere buruaz
jokatu ta Nobel saria irabazi dauana. Bizitz-legeari egokiozan zeregiñak ez
eutsoen itxi bere irudimen arrigarritik urtenik joiazanez bere bertso ta olerki
ederrak adi-erazten, bere olerkari-doaiak ezagun emoten. Oso latz eta zikoitza
izan da bere buruaz, mundu ta bertako erregea gogo bizi ta joriz abestu arren,
abesti orreik ez eutsozan iñori erakutsi, uka-eziñeko legez bere mende jarri ta
euki bai ebazan.
Entzun Alain Boquet'en itzak: «Saint-John Perse'k ez dau bere
idatzietan iñun be beretaz itz egiten: bere nortasuna ez dakar iñun be ezer
baieztuteko. Itz lauez be ez dau sekula ezer idatzi; urrindik edo urretik, bere
olerkia txit bestelakoa bere bizitzaz. Ez arpegi, ez une, ez toki: eredu-lana
izan daiteke izen bagea».
Alain'en itzok argi diñoskue zergaitik ez eban nastu Perse'k bere
diplomatzi ta politika karrerea, ots, lurtarra, bere barnetiko kezka ta
artegatasunekaz. Mezuko Idazkari Pekin'en 1921'ra; politiku trebe ta zurra
Sortalde Garaiko Arazoetan Washington'go Laterri arteko Batzarrean, 1921'arren
azkeneruntza; Aristide Briand'en Jaurlaritzako diplomatikuen nagusi 1925'tik
1931'ra; Mezulari 1933'garrenean eta bere aberriko At-azaroetako Idazkari
orokorra zazpi urtez: kargu ta arazo batzuk dira, nunbait, olerki-sailletik
baztertuta, eukiteko. Baiña, itxuraz bakarrik baztertua, ondarrean bada bere
olerkirako dei zangarra, bere anitz gauza ezagutu-isi ta egarri biziak,
askotariko lurraldeak ikertzera eroan eban, toki askotatik ibilten, Txina,
Korea, Japon, Mongolia ta Erdiko Asia zear; bai ta gogartzera be toitoista
eleiza txiki ta itxi
batera, edo Anabasis sortzera, Gobi eremura egindako txangotik biurtzean.
Xeetasun oneik dira antza eskubide osoz merezi eban izen ta ospe
aundira eroan ebenak: bere lana munduko edertasunakaitik naibaitzen eban
maitasun jasankor ta griñatsu baten igali da noski, lurriztiganako seta
mugabagea, sortzetiko jakinkizun, edesti, lutelesti oneik bai zitun bere goi-
argizko iturririk bein eta egitienak. Diñoenez, Perse dogu munduko dirdaien
kantari, ta ortik atara da gauza dirdaitsuak artzen ditulako bere
baikortasuna. Egia esan, begirale dogu, baiña bere ikustokia izten dau,
bizitzaren gaillentzea ta geroko gogai soilla bere olerkian obeari abestean.
Goralpenak
(Aurtzaro bat ospatuaz)
Perse
Oi!, ba-dot zioa zu goraltzeko!
Ene bekokia esku larupean,
ene bekokia, oroitzen al zara
gaualdiko izerdiakin?
Gau-erdian sukarrez utsal
eta aren ur-osin usaiñarekin?
Eta egunabar urdiñaren lorak
goizaren lats gaiñean dantzari,
Ta eguerdia euli baizen ozena
ta margozko itxasoak jaurtitako geziak?
Oi!, ba-dot zioa zu goraltzeko!
Ba-zan kai bat musikadun
ontzi masta jagiena.
Ba-ziran taketezko konkorrak,
basoetako igali dirditsuak.
Baiña, nun dira orain kaian egozan
musikadun ontzi masta jagiak?
Palmadarrak... Orduantxe
siñiskorrago zan itxasoa,
joan-etorri ikusgaitzez sarritua,
zeru antzo maillatua baratzen gaiñez,
urre-arnariz ase, arrain more ta txoriz.
Orduan, usainki txeratsuagoak,
arroenak gaillurretaraiño eltzerakoak,
beste aldi bateko arnas au eben aldarrikatzen;
eta argi-ontziaren sorginkeriz bakarrik
ene aitaren baratzean oi irudikizunak!
koskol ta iskillukiz aintzatsu,
ludi naasi ta bestelakoa zan lilluratzen.
(...oi, ba-dot zioa goraltzeko!
oi, alegi jori emokorra,
edo ugaritasunaren mai eztia! )