Amaren azkena

Joakin Aldabe

 Ama oiñazez oian

 azkenetan dago.

 Laxter geldituko da

 eriotz besotan lo.

 Bere semetxok dauzka

 bilduta aurrian.

 Danak gordiak ditu

 biotz barrunian.

 Begiratu xamur bat

 dijua bakoitzari.

 Denak eraso diote

 negar garratzari.

 «Ene, semetxok, agur

 agur, gero arte!

 Izan zaitezte beti

 elkar arten maite.

 Lagundu batak beste

 Jaunen izenian.

 Maita zazute aita

 bizi dan artian».

 Zeruratu da ama;

 begik ditu itxi.

 Andik begira dago

 maite ditunari.