Nor nitaz oroi!

Igartza'tar E.

 Ezer ez nintzan,

 ezer gutxi naiz,

 auts beste izango al inoiz!

 Ez nintzan artan

 murgildua ni,

 uts laiñopean igari...

 Ta iñortxo ez

 nitaz gogora;

 ta naizen ontan, nor, nor da?

 Tximist bezela

 ni itzaliko...

 Gero... nor nitaz oroiko!

 Apur batean...

 kanposantuko

 jango nauten arrak, gero...

 Gero iñor ez.

 Betiko aztu...

 auts biur, aize jostaillu.

 Baiñan ez diot,

 ez diot ondo:

 Batek, ez nau ez aztuko.

 Ez nintzan artan,

 gogoan nindun...

 naizen ontan, Bera lagun.

 Aztu nazate,

 aztu gizonak...

 ta gogoan ar Jainko onak