«Txori alai» bat kantari

Garitaonandia'tar G.

                                       (Lopategi'tar Joseba Andoni'ri biotzez)

 Bizkai baztertxo baten

 Urdulitz erria;

 «Txori Alai» batek an

 egin dau abia.

 Kanta-kantari dago

 goizetik gabera,

 goralduz beti non-nai

 maite dun euskera.

 Kabi bero onetan

 asko batu dira

 jai arratsean pozik

 joateko mendira.

 Eusko-abesti, dantzaz

 gozotuz aldia;

 irri-barreka daukez

 Jainko ta Aberria.

 Mutil zoliak dira,

 neskato liraiñak;

 gorri, zuri, orlegiz,

 pitxiturik soiñak.

 Gazte-ametsez dabez

 gaiñezka gogoak;

 odol gorri garbiaz

 taupaka biotzak

                                                 Urdulitz'en. Iraillak 25, 1960