Utsune

Otsalar

 Gauz guziak banantzen dituzun utsune,

 zurekin aize otza tartez duzularik,

 jakille mutu dela lanbro urdiñarre,

 besteak mugaturik dituzu gugandik.

     Denbora eta une, neurkaitz zure mende,

 galduak dituzula biotzen taupadak,

 sakon bezin ukakor, baiñan orbangabe

 kolko barruak illun gogo itsutuak,

 ames lillurazkoak egaztadan iges,

 bizia alde-egiña, iñun eratzeke,

 urrumaka surmurrez, biotzak naigabez.

   Dana ezesten zaude, denboraz ta unez,

 amaiera gabeko bidez, damutzeke,

 norperekiko kanta otsaren bildurrez.