inprimatu
Aurtxo zorigabe
Izenburua:
Aurtxo zorigabe
Sinadura:
Luken Larreategi
Urkizaren iruzkina:
Egilea(k):
Larreategi, Luken

Argitalpena:
Olerti.
Urtea:
1961
Argitalpenaren urtea:
Alea:
1961 II
Orrialdea:
112

Aurtxo zorigabe

 

Larreategi'tar Luken

 

 Nora ua, aur zorigabe,

 amaren besotan!

 Zertara arama, gaixoa,

 oraindik lotan?

 

 Esna adi! Eztek entzuten

 umetxoen iskanbilla?

 Pozez zoratzen zeudek,

 eta i, or au ixilla!

 

 Begira: Axier Etxeberria,

 txistu eta tanboliñez,

 ire aurrean, estu zijoak,

 biribilketa jo naiez!

 

 Ez dituk ikusten, errukarri!

 kalez-kale jostalluekin!

 Zergatik aiñ itun? Erregeak

 ez al dituk oroitu irekin!

 

 Ai, enetxo! , Jaiotzatik

 dakark, bai, zoritxarra

 egunero, etxerik-etxe

 eskean, ibilli bearra!

 

 Iretzat, gaur ere, etzegok

 ez kopiñ soiñeko garbia:

 estalki zikiñean bildurik,

 zijoak ire gorputz txikia!

 

 Zer oben egin duk, maite,

 orrela egurastu daien!

 Zergatik ukatzen ditek

 seaska epel bat, bederen?

 .........

 .........

 

 Eskaletxo: Au oldoztean,

 miñ artzen diat biotzean!

 

 


inprimatu