Olerkari sutsu bat

Tauer'tar Norberta

                                                 Arantzibia maiteari, biotzez.

 Bizkai'ko Elorrio erri ederrean

 olerkari gartsua, idazle argia,

 euskeraren alde an ari da lanean,

 Jaime Kerexeta, adizkide maitia.

 Atzoko egunean poz aundi-aundia

 nabaritu nuen nik nere biotzean.

 Artu nuen olerki-bilduma berria,

 oi, zein bertso ederrak, liburu-barnean!

 «Bitargi» izeneko bertso-lan berria,

 lenago agertu zen «Orbelak» bezela,

 irakurri-ta dakusat Arantzibia

 olerkari trebe ta gogotsua dela.

 Dakarzkigu, sarritan, bere itzlauz-lanak

 aldizkari guztiz eder «Euzko-Gogoak».

 Azterkatzen ari da aundikoen armak

 edo berak dionez aien mazmarroak.

 Agurrik beroena, aiskide argia,

 Praga'tik bialtzen dizu euskaltzaleak.

 Euskera zar, gozoa ta Euskalerria

 Zaitu ditzala beti Jaungoiko maitiak!