Bitsa, ezer ez

Arrugain

 Menditarteko sakonunetik

 Errekastoa jauzika joian;

 Aren ispillu txukun-garbitan,

 Lumaz eindako kabi antzean

 Apar mordoska ikus zeitean.

 Txepetxak, goitik begiratuta,

 Bits pillo aura oetzat artu zun;

 An dator egaz errekarantza,

 Sasi oe artan murgildu yakuun;

 Bere gogara lo ein gurariz,

 «Kabi» barruan bai pozik sartu.

 Txepetx gaizoa! Begi guzurtik

 Kabitzat zeukan apar mordoska

 Erditik ausi, ta beingo baten,

 Errekastoko ur otz artean

 Txori txikerra betiko ondatzen

 Ikusi gendun, biotz oiñazez.

             ONDORENA

 Zenbat olakok, gaurko munduan,

 Itxuraz eder, azalez txukun,

 Begiz jotean ager yakuzan!

 Barrutik, barriz, bitsa, ezer ez;

 Kanpotik argi, barnetik illun,

 Giza-gogoa galtzeko izkillu!