inprimatu
Illunbe ta argi
Izenburua:
Illunbe ta argi
Sinadura:
Faustino Zerio
Urkizaren iruzkina:
Egilea(k):
Zerio, Faustino

Argitalpena:
Olerti.
Urtea:
1960
Argitalpenaren urtea:
Alea:
1960 II
Orrialdea:
83-85

Illunbe ta argi

 

Zerio'tar Paustin (Biurko'tar Jon)

 

                               Tauer'tar Norbertari adiskidetasunaren agiritzat

 

                 I

 «DEUS EZ»'ko aldetik

 noiz erori izan da

 arkaitz orren aundi...?

 (Mamu izugarri... )

 Mundu zabal, guzi

 beltzez da estali

 ta ikaraz jarri...

 

   (Argi guzi laster

 igesi joan da,

 beldur ikarakor

 gero datorrela,

 ITZAL betilluna

 erregiñ jarrita...)

 

   Aleun mende dira

 erori izan dala

 gure bizkarrera.

 

   Arkaitz au astun dan

 guzien soiñean;

 astunago dutan

 nere bizkarrean;

 beste Atlas nauzu

 nere jaiotzetik

 ludi bat sorbaldan

 daramadalarik.

 

   Eskuan makilla

 mandazaiña doa

 poliki, poliki

 aldapa gora, naiz

 txistuz, naiz kantari,

 atzetik bost mandok

 jarrai dutelarik.

 Bakoitzak darama

 Ardo-zagi bana

 bere bizkarrean;

 baiñan pixu bera

 bostak daramate

 gutxi gora-bera...

 

 Ala doaz ere

 gizon-emakurne,

 bere jaiotzetik

 obenaren azta

 beti eramanik.

 Uzta zikin bera

 jasoa dauskat nik

 jaio ta bertatik...

 Arrezkero, ene,

 ba-naukazu beti

 arri batenpeko

 lertutako igel.

 

   (Nere begiok ere

 zorian, nonaira

 begira, zai, eske...

 irten nairik, baiñan

 andik ezin irten).

 

   Oben-arkaitzpean

 Or dek parregarri

 Gizona, munduaren

 errege ta nausi...

 

   Ta ala gaude danok.

 orain aleun mende,

 pekatuen arpian

 beti bizi izaten.

 Larritasun ontan

 noiz arte?

 

                 II

 

                 ... nune autem lux in DOMINO.

                 ... orain, berriz, Jaunagan, argi zerate.

                                                       (Ad Ep. V, 8)

 

 Atozkit atozkit,

 ERRUGABEKO ORI

 begira ta erruki:

 iñork baiño obeto

 bai daukazu garbi

 gurutzeko berri.

 Ura bai zama aundi!

 

   Obenena baiño

 gurutz aundigorik

 ezin arkitu nik...

 Nolako au danik

 zuk dakizu ondo,

 beraren azpian

 erori bai ziñan

 bat, bi ta irutan...

 

   Baiñan jaiki ziñan

 illobitik ere

 illen jaun ta jabe

 Eriotz betiko

 Zugandik uxatzen...

 

 Dana dezakezu

 baita nere ezin au:

 nere burua,

 nere buruarenpetik

 osoro askatzen.

 

 Atozkit lenbaitlen

 eta begira arren,

 zure lander oni;

 obenen-arkaitzak

 nigan bai daragi

 astun-astuneki...

 (Obenen zama aundi).

 

 Begira ta erruki.

 

 Ler zorian dagon

 Zure igel onek,

 (zai, otoi, ta eske),

 Zugan itxoin besterik

 zer lezake ...?

 

 


inprimatu