Baserriko jauparia
Uribe'tar Kuiril
Baserriko Jaupari biotz onekua,
Zure arduran dago gure erri txokua.
Gure gogo gidari zintzo zu zaitugu.
Arazo ori betetzen leial diarduzu.
Baserri onetako arimen artzaiņa,
Zeure ardiak zaintzen zara zu bikaiņa;
Kristo'ren bedartzetan damotsezu jana,
Izan dagien beti goitar osasuna
Kontuz aldentzen dozuz txerren-bedartzatik,
Eta galzori diran leza baltzetatik.
Zernaiko oituradun pertsona txatxuak
Alper utsak dirala uste jaupariak;
Baiņa euren egiņa zindo betetzeko,
Eleizan nai kanpo ba.da bearra naiko.
Sarritan bizi dira eurenez aizturik,
Mendeko artaldea ondo euki nairik.
Baltzak oi dira batzuk abere aldrean.
Orrela bai ta sarri gogo-artaldean.
Eta gogo muker orreik damotse ardura,
Loitik orreik babestu, aren irrits-gura.
Leiatsu dautse deitzen orrei be ingurura,
Beste gogo zuriak dagozan bilkura.
Esku mendean daukon gogozko baratza,
Arek nai eukitea zeru txiki antza
Kendu lora arteko lizundun arantza,
Eta atzera ziaro txarkeri-lorratza.
