Dueñas'ko kanpai jotzaillea

Ondarzubi

 Dilin dalan

 zati bitan,

 dindilin dan

 bi t'erditan;

 dingilin dangalan dingilin dan,

 besoak luzean ten-tenetan,

 kanpai jolea ala otoitzean

 egun osoan kanpai-otsean.

         Oraintxe makur, laster oraka,

         otoi la agur Jaunai eskeinka,

         apal ta samur praillek otoika,

         euri nai edur erruki eskeka.

 Dilin dalan

 zati bitan, dindilin dan

 bi t'erditan,

 erti ta otoi maite miñetan

 Dueñas'ko elizan gau ta egunetan.

         Danen aurrean, eleiz-erdian,

         goitik beraiño soka luzea

         bere ondoan, adi adian.

         lerden, kezketan. kanpai jolea.

 Dilin dalan

 zati bitan,

 dindilin dan

 bi t'erditan...

 praille guztiak Jaunan garretan

 kanpai otsaren dundi leunetan.

         Sokatik tengadan belauniko,

         olaxe da leenen asiko,

         ta bat-batetan zuzen jaikiko...

         zerura doala irudiko.

 Dilin dalan

 zati bitan,

 dindilin dan

 bi t'erditan.

 Praille guztiak doaz lanetan.

 Kanpaien otsak otoika aizetan.

 Dueñas'ko elizan. zeru-miñetan,

 kanpai jolea gau ta egunetan.