Badator... beldurra

Pello Otxoteko

 Hotzikara, zirrara,

 geldiune laburra,

 dardara, ikara,

 hitz batean beldurra.

 Beroa daukat,

 bero berezia,

 bero arraroa,

 izerdi hotza darion bero hormatua.

                                         Barruko zentzazio berezia,

                                               Edo kanpoko emozio aparta.

                                                     Laburra, motza, hotza,

 itzela da beldurra.

                                                           Dartariatik datorren

 dardar hots leuna,

 ala,

                                                           Urdailetik urduri

 hurbiltzen den soinu hotz astuna.

                                                     Ritmo berdineko, momentu

 ezberdina,

                                               Robot baten antzera guk geuk

 egina,

                                         Arraro agertzen da une horretan, gure

 barneko zeru urdina.

                   Barrutik datorren hotsa

                   deiadarka txit ozenki

                   bizkarmuinetik joango da

                   garauneraino zuzenki.

                   Beldurraren hots itzela

                   denetan arront aparte

                   bereganatuko zaitu

                   odola izoztu arte.

                   Grina orotatik bait da

                   beldurra beti aurrena

                   gizonok dugun zentzua

                   gehien ahultzen duena.

                   Baina gure baitan sartu

                   eta agertu orduko

                   ezina gertatuko zaigu

                   egitea hari uko.

 Hotzikara, zirrara,

 geldiune laburra,

 dardara, ikara,

 ziur dela beldurra.