Gaua, amets bat

Pantxoa Etxegoin

                                                                         (1957)

 GAUA, argi gabeko su pindarrak

 Nere begiak, zuri zintzili, ilangian josiak

 Haizearen arnasa, zuhaitzen osto eroriak

 Bihotzaren horma sendo, itxaropen sentipenak.

 GAUA, ixurtzen ditut askotan malkoak

 Ihesi zoaz, nere oinak zenbatetan laburrak

 Iduri zait, galdua nagoela, uhar hedoietan

 Zu nere bidean zaude, ni naizelarik ametsetan.

 GAUA, gure asmoak elgarri juntatuak

 Egunsentiak gaitu, biak goizean urrunduak

 Ameslari sortu nintzen, hoin dira aldakor egunak

 Ekaitzari uko egingo dut, atxemaitean tximixtak.

 GAUA, ilunabarra aurrera, urdin itsasoak

 Nere belarriak ideki eta, urrun zakur zaunkak

 Zuri berdin zaizu, ilargiari begiratzen diozu

 Zure baitan naiz lokartu, ametsak zurekin harkitzu.

                                                                   ("Maiatz" 3.)