Zuri

Ugarrieta

 ¡Euskera! ba-dakit bildur zerana

 astuko ote zaitugun,

 entzuten ditut zure biotzan

 ainbeste oiartzun itun...

 ¡Nire erria erdeldun!

 ¡Euskera! ba-dakit zure zalantza

 maite ez ote zaitugun,

 jasotzen ditut zure gogoan

 ainbeste keriza illun...

 ¡Nire erria erdeldun!

 Baña, etzakidaz biozkatu.

 Euskaldun onak zaituelako

 beren muñ-muñetan sartu,

 arerioak nai izan arren

 ezin zaituzte zapaldu...

 Emen gaituzu gaurgero ere

 zuri laguntzeko gertu.

 ¡Euskera, maite zaitugu!