Maitemin

Etxaniz'tar Nemesi

         —1—

 Maite bat det zoragarri,

 musu lore zuri-gorri,

 beltxaran, begi beltz aundi,

 begi-ondoak zeru bi.

 Sudur politaren azpi

 ¿odol-tanta ala marrubi?

 Lore-pipita, ao txiki:

 ortz txuriak andik irri.

         —2—

 Lepo meia, esne iduri:

 esku biak, elur txuri:

 bulartxoa esna-berri,

 zumitzez egiña gerri:

 oña tiki, ibillera azti:

 aren mintzoa, eresi,

 begirasuna, eguzki:

 biotza sorgintzen daki...

         —3—

         (Eztai-kanta)

 Aldare aurrean argi

 itz emanak gera alkarri.

 ¡Atoz, nere usotxo ezti,

 begiak pozez ler-zori,

 laztanka aotxo marrubi,

 biotza maiteka gori!

 Zurekin bat, urtu nadi.

 ¡Dezagun betiko kabi!