Oroituz

Mirande'tar Jon

 Zaldi beltzak irrintzika zeuden.

 Sutan ziran inguruko zelai

 Gorak. Artzen genuen atseden,

 Alargunen intziriez alai.

             So genitun, bekaitz, saiak oro.

 Giza-iroz ok egin bearrez.

 Garoetan neska sabel naro

 Zaurituen odola negarrez...

             Gau yoriak eden otz zerion:

 Geure biotz-min-gai ta zorion

 Ez aztuak, gizaldiz gizaldi.

             Lagun! Ilkar-lore-baratzetan

 Genbiltzanok, ilargi zuritan,

 Noiz dukegu, dirdaitsu, Eguerdi?

                                                                           1950