Illunabarrez

Mirande'tar Jon

 Gelatxo zuri garbian

             Neska dago

 Ille gorriak orrazten,

 Illeak illunabarrez

             Gorriago...

 Gela ixil-ixilean

             Zerk ote dio

 Begi beltza itzalpetu?

 —Atean jo du norbaitek,

             Norbaitek dio

 (Mintzo apal, aopetik):

             «Neska gazte,

 Ni naun berriz etorrita,

 Arren, iriki ezadazu

             Bai aut maite.

 Ni naun zaldiz etorrita,

             Nere kutun,

 Urrundikan, ain urrundik!...»

 —Bere biotzak ordea

             Ez du entzun.

 Neskuts-gelatxo zurian

             Bera dago,

 Gau-itzalaren beldurrez

 Bere begi zabalegik

             Zabalago...

                                                                         15-3-50