1990ko uztailak 10
Berta Piņan
Ez dut ezer zuri eskaintzeko. Ontasun baliosik
ez. Mendeen ametsak lotan diren urrezko
ahuntzik ez, olibaren lore ahul eta sutsurik
ere ez, armarik eta gudari zaharrik ez, haien loria eta fortuna,
deus ez dut. Etxe hau baizik, ixiltasunak, dudak,
egun zoriontsuen sabore hurbila dizut oparitzen.
Nere geldialdia izan bedi zuretzat beroena, musuen
igalirik garbiena eta zutan bedi iturri eta ibai bilaka
nere desiraren promesa berritua. Datozen urteek
ekar ditzatela arratsalde luzeenak eta sar bedi ekia leiho
irekitik orain bezala denboraren menetik salbatuz
guretzat amodioa eta suertea.