Bigarren haurzaroa

Angela Duval

 Nere gaztaroko piltzarrak

 denboraren eiheran eho nituen,

 edertasun xarpak,

 ametsen purtzilak,

 kapriziak, fantesiak,

 eta penak, eta doluak.

 Oro negarrez eta izerditan blai.

 Bihotzaren su gorrian

 orrea errearaziz

 nere borondatearen burdinpean

 orrialdeak luzatu ditut

 lisatu eta leundu.

 Gainean idatziko ditut

 nere bigarren haurzaroaren

 asmakizun eroak,

 nere ametsen kolorez,

 herriko mintzai miresgarrian.