Damurik ez

Jakes Ahamendaburu

 Iruzkia ibeni denean

 ihintzaren farfarra

 goiztiri hedoiadar falien

 berunezko tristura

 itzal erdi-loen baiezean

 kulunkaren kadura

 sekulan ez natzaizu damutzen

 egunsenti nabarra

 Etxe xoriak eganatzean

 haizearen jauzia

 mila argizpiei lafa-lafa

 zilarrezko ibia

 ereitza berrien erpai dago

 nakarrezko bihia

 sekulan ez natzaizu damutzen

 damandre lur joria,

 Buru apal dedaten orkatzak

 naturari aitorra

 elgez elge lauhinka, ttuttula

 egonezin behorra

 kale zeiharrez julisen bila

 belexari okerra

 sekulan ez natzaizu damutzen

 gauerako jaidura

 Irudiei bizia edekiz

 oro eder miliska

 bertsoz bertso nehoiz ezin kausi

 larrosaren fanika

 bihotz irakin kanta ezazu

 negu hilen kronika

 sekulan ez natzaizu damutzen

 olerkari lirika