Ez ikusiarena

Jakes Ahamendaburu

 EZ! ez ikusiarena

 ezin dut gehiago egin

 oro kanta

 dena amets

 maitez luzatu eskua

 oldez ebatsi musua

 guzia begiz begi dut ikusten

 den bezala

 leihoak binbi banba hegoaren erasoz

 semea galtzean bular agortua

 oro den bezala

 ala daiteken bezala

 eta hi

 beldurrez erre eta alegia fiafaka

 zeri so hago?

 nire iturria agorxetan duk

 ez zakala nitaz gehiago deus igurika

 Nehork nehoiz ez dauku eskatzen

 zenbat nigar faltsu dauzkaten

 gure begiek

 zenbat miru daukan

 lertxun hegada batek

 zenbat ispilu dituen

 nor beraren euskaltasunak

 EZ! ez ikusiarena

 ez dut gehiago egin nahi...